දමා යන්නට පළමුව ඔබට....

මතක් කරන්න...

කිව්වා නේද මට ආදරෙයි කියලා....

ඔයා මගේ පණ කියලා....

හ්ම්ම්...තව

මා වෙනුවෙන් කරන්න බැරි

කිසිම දෙයක් නැහැ කියලා....

මතක් කරන්න...

ඔයා ආසම මගේ ඇස් වලට

කිව්වා නේද?

ඊට පස්සේ...මගේ කම්මුල් වලට..

මගේ කොණ්ඩෙට..

මගේ ඇඟිලි වලට...ඔයා

ආසයි කිව්වා...

මතක් කරන්න...

මගේ සිතිවිලි වලට..

මම හිතන විදිහට ..

හ්ම්ම් ඔව් ඒ සිතිවිලි වලට පවා..

ආදරෙයි කිව්වනේ ඔයා...

ඒත් මම් දන්නවා

දාලා යන්න හදන ඔයාව

නවත්ත ගන්න තරම්

දෙයක් මම ළඟ නැහැ කියලා..

ඒ නිසා මම නවත්තන්න හදන්නැහැ..

ඔයාට යන්නම ඕන නම් ඉතින්...

යන්න....

ඒත් අමතක කරන්න එපා..

ඔයා අර ආදරේ කළ දේවල්..

තාමත් මම ගාව තියෙනවා..