මගේ හදවත

මගේ හදවත විලකි
එන්න ඔබ එහි පාරු පදවන්න...
මා ඔබේ සෙවනැල්ල තුරුලු කරගමි
ඔබ දෙසට මැණික් කැට විලස එළිය දෙමි...

මගේ හදවත ඉටිපහන් එළියකි
කරුණාකර මා වෙනුවෙන් ජනේලය වසන්න...
මම ම දැවෙන්නෙමි
නිසසලව අන්තිම බිංදුවටම...


මගේ හදවත සැරිසරන්නෙකි
ඔබේ බටනලාව මා වෙනුවෙන් වයන්න..
මා නිසල රාත්‍රීන්හි නතර වන්නම්..
පුර සඳ යට
ඔබ වයන හඩ අසමින් ....


මගේ හදවත බිම වැටෙන කොලයකි..
ඔබේ මිදුලේ මොහොතකට ඉඩ දෙන්න..
ඔබ හැර යමි..තනිවූ සැරිසරන්නකු ලෙස
නැවත සුළග පැමිණි කල්හි.. 
                                                         (My Heart - by Kimtong Myoung)