Wednesday, March 23, 2011

ඒ සුදු සාරි...

මේ කථාව නම් office එකේ කථාවක් නෙවෙයි....මේක මගේ දුවගේ බොහොම පොඩි කතාවක්.....


එදා හවස ගෙදර ඇවිත් දුවට home work කරන්න කියලා මම මගේ දවසේ වැඩ ටික ඉවර කලා...සමහර එව්වා කරලා අවසන් වෙලා එයා මට පෙන්නුවා....නිදා ගන්න ලැහැස්ති වුනාම මෙන්න මෙයාට අමතක වුණු එකක් මතක් වෙලා නිදි මරගාතේ දඩිබිඩි ගාලා කරලා පොත වහලා නිදා ගන්නයි හැදුවේ...
එයා 2 වසරේ....කරන්න තිබ්බේ 2 වසරේ පන්ති පහේ ම ගුරුවරියන් ටික ඇදලා එයාලගේ නම් ලියන්න..


මම පොත අරන් බැලුවම මට පෙනුනා ඒක කරලා තියෙන්නේ ඉක්මනට ඉවරයක් කරන අරමුණින් කම්මැලි කමින් කියලා එයා...සේරම ගුරුවරියන්ගේ අතපය මුහුණු පාට කරලා තිබ්බත් සාරි නම් එකක් වත් පාට කරලා නැහැ...
මම ඇහුවා... මේ මොකෝ පුතේ ඇයි ඇදුම් පාට කරලා නැත්තේ ඔයාගේ teachers ලාගේ ..එයාලා හරි ලස්සන පාට පාට සාරි අදිනවනේ කියලා....


ආහ් අයියෝ අම්මා ඔයාට ඕකවත් තේරෙන්නැද්ද ? එයාලා ඒ ඇදන් ඉන්නේ සුදු සාරිනේ!!


ඔන්න දුවගේ උත්තරේ....

Thursday, March 10, 2011

නාදුනන්නෙකුගේ කවිය........

 


උදුල මල් පිපෙන අරඹක...
සිරිය නොදුටුවෙමි නුඹ හැර...
යොමන තුරු දෙනෙත් අහසට 
වසග වේ සිනා.....

නුඹෙ තරු වගේ නැතත් දෙනයන..
බොර ගැසී දිලෙන පැහැයට
ආද‍රේ ගලන විට මා උමතු වී ගියා.....

සුදට හුරු නැතත් පාටට..
සදට හුරු නැතත් උවනත... 
සිනාසෙන විටදි හඩගා..
සිංදුවක් වගේ....
මුතුපෙළ වගේ නැතත් දත්පෙළ..
රතුවෙලා නැතත් ලවනත..
වල ගැසෙන කොපුල් සිනහව
සුන්දරයි නගේ...
හැඩ නැතත් ගොඩක් අතපය..
නැති වුණත් වරල දිගටම..
හදින විට දිගට..සලුපිලි දණහිසක් වසා..

මට කුමට මනබදින තරුවැල්
නුඹගේ රුව සිතට ඇතිනම්....
රන් රුවක් විලස සුරකිමි...
දිවිය ඇති තුරා.......


Wednesday, March 9, 2011

සුදුසු දේ....


 
මේ කථාවත් principal කෙනෙක් ගැන....


ඔන්න principal promotion exam  තිබ්බා.... grade 2-i ඉඳලා grade 2-ii වලට......ඊට පස්සේ ඒ exam marks මත interview call කලා . පළාත් අනුව interview boards දැම්මා.....එදා උතුරුමැද පළාත් interview board එකේ හිටියේ වසන්ත sir එක්ක මම......

මොන හේතුවක් නිසාද මන්දා පුදුමයකට වගේ විදුහල්පති සේවයේ ඇතැම් නිළධාරීන් හැසිරෙන්නේ පොඩි පන්ති වල ලමයි වගේ ....අනෙක් එක රටේ තොටේ වෙන කිසිම දෙයක් ගැන සාමාන්‍ය දැනීමක්වත් නැහැ...කියන එක මේ දවස් වල හොඳින් අත් දුටුවා අපි.....අපිට මේ විදුහල්පතිවරු interview කරන්න කලින් ඔවුන්ව හසුරුවන්නත් සිද්ධ වුණා....හ්ම් දැන් ඉතින් අපි interview call  කරලා එවපු letter  එකේ දාලා තියෙන numbers පිළිවලට සම්මුඛ පරීක්ෂණයට සහභාගී වෙනවා කට්ටිය....



ටික වෙලාවක ඉදලා අපේ interview board එකට එන්න ඉන්න principal කෙනෙක් දිහා මම බලන් ඉන්නවා....පස්සේ මම දැක්කා වසන්ත Sir ගේ ඇස් දෙකත් ඒ දිහාවට සැරින් සැරේ යනවා....

මම  වසන්ත Sir දිහා බලලා හිනා වුණා....මොකෝ සුජානි...sir ඇහුවෙත් මා දිහා බලාගෙන හිනාවුණු ගමන්ම....


මම - Sir මම බලන් හිටියේ අතන ඉන්න විදුහල්පතිතුමාගේ Shirt එක දිහා....මාර කලාත්මකයි නේද ? Sir 

මම කිව්වේ හිනාවෙන ගමන්....මොකද ඒ principalගේ shirt එකේ නිල් පාට මල් මල් විසිරිලා තිබ්බා..සුදු පාට  පසුතලයක...


වසන්ත sir - ඒක තමා සුජානි මාත් මේ බැලුවේ....හවස මුහුදු වෙරලට ඇඳන් යන්න හරි පැදුරු  party එකකට යන්න හරි නම් හොඳයි නේද? Sir කිව්වෙත් හිනා වෙවී .....

මොකද අත්දිගට ඇඳලා ටයි පටි දාගත්ත අය අතර ඒ පුද්ගලයා විශේෂයෙන් කැපිලා පෙනුනු නිසා.....



ඔන්න දැන් ඒ විදුහල්පතිතුමාගේ වාරේ......එතුමා ඇවිත් අසුන් ගත්තා....ඒ ගමන්ම මම ඉල්ලා ගත්තා certificates file එකත් එක්ක result sheet  එක.....එකක් දෙකක් හැරෙන්න විදුහල්පති ව්‍යවස්ථාවට අනුව උසස්වීම් ලැබිය යුතු අනෙකුත් සුදුසු කම් සපුරලා තිබ්බා ඔහු....ඉතින් සම්මුඛ පරීක්ෂණය අවසන් වෙලා ..... වසන්ත sir ඔහුට මෙහෙම කිව්වා......

වසන්ත Sir - ඔබතුමා දන්නවාද ඔබතුමා මෙතනට ආපු වෙලේ ඉඳලා මේ මිසුයි මායි ඔබතුමා දිහා බලාගෙනමයි හිටියේ.....


Principal - (මූණ රතු කරගෙන) ඒ මොකද ඒ Sir ?


වසන්ත Sir -       නැහැ ඒ ඔබතුමාගේ ඇඳුමේ තිබුණු විශේෂත්වය නිසා...ඔබතුමා කලා කාරයෙක් වෙන්න පුළුවන්...ඒත් අද මේ මෙතන තියෙන්නේ විදුහල්පතිවරුන් සදහා සම්මුඛ පරීක්ෂණයක්....බලන්න අනෙක් හැමෝගෙම ඇඳුම දිහා.....තමන්ගේ වෘත්තීය ගරුත්වය රැකෙන විදිහටත් තමන්ගේ වෘත්තීය පෞරුෂත්වය රැකෙන විදිහටත් අදින පළඳින එකත් තමන් සතු වගකීමක්...මට පුළුවන් තමන්ගේ ඇඳුමෙන් තමන් ගැන කියන්න...මොකද මමත් principal කෙනෙක් වෙලා හිටියා අසවල් පාසලේ අසවල් ගමේ.....මම දන්නවා ඒ කාලේ මම කොහේ ගියත් ඒ මිනිස්සු මට සලකපු විදිහ...ඉතින් ඔබතුමා දන්නවාද මම අද තව වෙනකන් ඔය ඔබතුමා ඇදන් ඉන්න විදිහේ ඇඳුමක් ඇඳලා මගේ වෘත්තීය සම්බන්ධ වෙන කිසිම තැනකට ගිහින් නැහැ. කරුණාකරලා මම මේ කියපු දේවල් හිතලා බලන්න.....

නාලනී මිස්......

මේකත් මම principal section ඉන්නකොටයි වුනේ....


 ඊයේ ජාත්‍යන්තර කාන්තා දිනය නිසාත් මේක මට ලියන්න හිතුණා....


නාලනී මිස් එතකොට ප්‍රධාන කළනාකරණ සහකාර .....නාලනී මිස් ගේ මහත්තයා එයාගේ දුවලා දෙන්නා පොඩි කාලෙදිම පිළිකාවක් හැදිලා නැති වෙලා තිබ්බේ....එයා කෑගල්ලේ ඉදලා කොළඹට ආවා දුවලගේ අධ්‍යාපනය වෙනුවෙන්.....මේ වෙනකොට එයා තනියම ජීව්තය ජයගත්ත දිරිය කාන්තාවක්!


ඒත් නාලනී මිස් පුරුදු වෙලා හිටියා එක ආරාමයක මෑණි කෙනෙක් එක්ක තමන්ගේ ජීවිතේ එන ගැටලු කියලා පිළියම් හොයා ගන්න මේ කියන කාලෙදි...


ඉතින් ඔන්න කථාව....එදා උදේ මම branch එකට එනකොට නාලනී මිස් අඩනවා...මම ඇහුවා මොකෝ කියලා ඒ පාර...


නාලනී මිස් - අනේ පුතේ බලන්නකෝ මේ ......මිස්ගේ කථාව...මගේ හිත හරියට රිදුනා..

නාලනී මිස් ‍මට ගොඩක් වෙලාවට කථා කළේ එහෙම....


මම - ඇයි නාලනී මිස් මොකද?



නාලනී මිස් - මම අද උදේ අර මෑණියන්ව හම්බවෙන්න ආරාමෙට ගියා....


මම - ඉතින්.....


නාලනී මිස් -   ඉතින් පොඩි මෑණි කිව්වා අද ලොකු මෑණියෝ නැහැ ඈතක වැඩලා කියලා...මම අපරාදේ කියලා යන්න යනකොට ආරාමේ ඇතුලෙන් ලොකු මෑණියන්ගේ කටහඩ ඇහුණා. මට දුක හිතුණා ඇයි මෑණියෝ මාත් එක්ක කථා නොකළේ කියලා.අනික කොච්චර නරකද මට බොරුවක් කිව්වා නම්.....


මම - ආහ් ඒකනේ...චීවරේ දාගෙන බොරු කිව්වේ මොකෝ ඒ?


නාලනී මිස් -    ඒකනේ මට දුක හිතුණු නිසා ඒක මම මෙහෙ ආපු ගමන් මෙයාලට කිව්වා...අනේ එතකොට බලන්නකෝ හැමෝම ඉස්සරහා අර......මිස් මට කියපු දේ..


නාලනී මිස් ආයේ අඩනවා


මම - ඔව් මොකද්ද ඉතින් කිව්වේ......


නාලනී මිස් -    කවුද දන්නේ මෑණියෝ මාව මුලිච්චි නොවුනේ උදේ පාන්දර...මම මූසල නිසා වෙන්න ඇතිලු...මගේ මහත්තයා නැති උනේ මගේ මූසල කමටද දරුවෝ....


මට මාර දුකක් ආවේ ඒ කතාවට....ඇත්තටම එහෙම කිව්වා නම් ඒක කොච්චර කැතද? කොච්චර නපුරුද? තමනුත් ගැහැණියක් කියලා කියපු කෙනාට හිතන්න තිබ්බා...අනෙක් එක නාලනී මිස් බොහොම වැදගත් කෙනෙක්...

මට ඕන වුනේ එයාව හිනස්සන්න කොහොම හරි...මොකද පැය 8 ක් අපි වැඩ කරන තැන අඩා දොඩාගෙන මූණු පුලුටු කරන් ඉන්නවට මම කැමති නැහැ කවුරු වුණත්...





මම -    අයියෝ නාලනී මිස් කවුද අනේ ඕවා ගණන් ගන්නේ...අපේ රටේ බලන්න...ප්‍රබල කාන්තා චරිත ටික අරන් බලන්නකෝ .....සිරිමාවෝ බණ්ඩාරනායක..චන්ද්‍රිකා කුමාරණතුංග...නන්දා මාලනී...සෝමා එදිරිසිංහ...මල්ලිකා හේමචන්ද්‍ර කවුද කියන්නේ මේ අය මූසලයි කියලා.....මේ හැමෝම ස්වාමි පුරුෂයෝ තමන් ලග නැති වුණාම ඉදිරියටම ගිය අය.... මම හයියෙන් එහෙම කිව්වේ කාටත් ඇහෙන්නම.....

අනෙක් එක කතාවටත් කියන්නේ හැම සාර්ථක පිරිමියෙක් පිටිපස්සෙම ගැහැණියක් ඉන්නවා කියලා.ඒ වුණාට හැම සාර්ථක ගැහැණීයක්ම  සාර්ථක වෙලා තියෙන්නේ පිරිමියෙක් නැතිව...එහෙම නේද? මම එහෙම කියලා හිනා වුණා...

නාලනී මිසුත් හිනාවුණා....කදුලු වෙලුණා එයාගේ ඇස් වල........ආයේ ගියෙත් නැහැ අර ආරාමෙට......අපේ හිත් හදාගන්න ඕන අපිමයි.....

Thursday, March 3, 2011

වසර 15 ක් නින්ද නොගිය විදුහල්පති...

මේ කථාව මම Education Ministry එකේ Principal Section එකේ ඉන්නකොටයි වුනේ...


අවුරුදු 13ක් තිස්සේ නැවතිලා තිබ්බ විදුහල්පති සේවයේ උසස්වීම් ලබාදෙන්නයි ඉහළ පුටු වල අයමේ දවස් වල වැඩ...ඉතින් අපිටත් ගජරාමෙට වැඩ තිබුනා.
ඒත් එක්කම තව දෙයක් කියන්න ඕන..රජයේ සේවය කියන්නේ
ice ගහන තැනක් කියලා අහලා තිබ්බට..මේ අවුරුදු 10ටම මට
ලැබුනේනම් අත්‍යාවශ්‍ය රාජකාරි සහිත බොහොම කාර්ය බහුල සේවා ස්ථානමයි ඔන්න...
ඉතින් කථාවට යමුකෝ...
ඔන්න දැන් ජ්‍යේෂ්ඨතාවය සහ කූසලතාවය මතයි තරඟ විභාගයි පවත්වන්න සූදානම් ....රජයේ ප්‍රසිද්ධ ගැසට් නිවේදන මඟින් application call කරලා..
ශ්‍රී ලංකා විදුහල්පති සේවයේ
grade 1, 2-i, 2-ii ,3 සියලු සේවාවන් සඳහාම...මේ වෙනකොට ශ්‍රී ලංකා විදුහල්පති සේවයේ 2-i ශ්‍රේණිය සඳහා අයදුම් පත්‍ර භාර අරගෙන ඉවරයි.ඒ කියන්නේ closing date පහුවෙලා..අනෝරා වැස්සේ තෙමීගෙන ඇස් රතු වෙච්ච විදුහල්පතිතුමෙක් ගොඩ වැදුනා අපේ branch එකට..


විදුහල්පති -  මේ මම ආවේ application එකක් ඉල්ලගන්න කියලා මිස්
Branch -       මොනවටද sir ?
විදුහල්පති - මේ විදුහල්පති සේවයේ
Branch -        හරි ඉතින්..මොන grade එකටද?
විදුහල්පති - ආහ් මම ඉන්නේ නම් 2-ii
Branch -       ම්..එහෙනම් ඉතින් දැන් උසස් වෙන්නෝනේ 2-i ටනේ නේද?
විදුහල්පති - ඔව්.ඒත් හරි නම් මම දැන් grade 1 ඉන්නෝන කෙනෙක්..
Branch -       ඔව් sir ඒක හරි වෙන්න පුලුවන්..ඒත් මේ වෙලාවේ Sir ට 2-iවලට
ගිහින් තමා grade 1 වලට apply කරන්න වෙන්නේ.රාජ්‍ය සේවා කොමිෂන් (public service Commission) එකෙන් තාම Grade 1 gazette එක approve වෙලා ආවේ නෑනේ Sir..
විදුහල්පති -  මට ඕන ජ්‍යේෂ්ඨතාවය සහ කූසලතාවය මත application එකක්..
Branch - අයියෝ sir gazette එකේ තියෙන්නේ..ඒක තමා application එක..අපිට ඒක බෙදාහරින්න බැහැනේ...10000 කට වඩා apply කරලා තියෙන්නේ..අනික් එක දැන් closing date පහු වෙලා මාසයක් විතර වෙලානේ..


ඔන්න දැන් මේ විදුහල්පතිතුමා ලොකුපත්තර මිටියක් ගත්තා අතට
විදුහල්පති - මේ පත්තර වල තියෙන්නේ මම ගැන
කියලා branch එක මැදට ඇවිත් පත්තර ටික තිබ්බේ මගේ මේසේ උඩ...
අපේ set එකත් දන්නැද්ද..පියාඹගෙන ආවේ පත්තරේ විස්තරේ බලන්න එතනට...ඉරිදා ලංකාදීපයක් තමා මුලින්ම දිග හැරියේ..
වසර 15 ක් නිදා නොගත් විදුහල්පති...
ඔන්න ඔහොම පටන් අරන් ලොකු විස්තරයක් තිබ්බා පත්තරේ පිටුවක්ම පුරවලා....
මේ විදුහල්පතිතුමාට වසර කීපයකට කලින් සිද්ධ වුනු accident එකක් නිසා කරපු operation එකට පස්සේ නින්ද නොගිය කථාවක full story එකක් තමා පත්තරේ තිබ්බේ....
ඒ කියන්නේ ඒ වෙනකොට අවුරුදු 15 ක් තිස්සේ එකම එක රැයක්වත් මේ principal නිදාගන නැහැ..නින්ද ගියත් ඇස් දෙක ඇරිලලු...ඇස් රතු හේතුව හිතාගත්තැහැකිනේ...
ඉතින් තව මේ principal vegetarian ලු...ඒ වගේම තව දුරටත් සේවයේ නියුතු principal කෙනෙක්...ඉතින් අපේ set එකේ ඉමහත් අනුකම්පාව දිනාගත්ත නිසාම අපේ සහකාර ලේකම්ලා 3 දෙනාගෙන් vegetarian  වුනු හේමා madam ට මේ principal ව යොමු කළා..
ඉතින් ඔන්න...පැය භාගෙකින් විතර ආවා හේමා madam එක්ක ආවා මේ principal ආපහු  branch එකට.
හේමා madam -  අනේ අපි මේ principal ට application එකක් දෙමු මානුෂිකව හිතලා. කමක් නැහැ ඔබතුමා මේක fill  කරලා භාර දෙන්නකෝ..madam එහෙම කියලා ගියා

ඔන්න දැන් මේ principal අපේ කට්ටියවත් වට කරගෙන application එක fill කරනවා branch එකේ වාඩි වෙලා..ඒ ගමන් මෙහෙම කියනවා..
මම හරිම lucky..කොහෙගියත්මට සලකන්නේ මෙහෙම තමා 



දැන් අපේ කට්ටියත් ගජ රාමෙට කථාවට පොහොර දානවා


branch- sir , දැන් නින්ද යන්නැති උනාම  school ගිහින් අමාරුවක් නැද්ද වැඩ කරන්න කොහොමද  නින්ද නොගිහින් ඔහොම ?


principal - ආහ්! මට එහෙම කිසි ගැටලුවක් නැහැ . මම මගේ වැඩ හොදින් කරගෙන යනවා .හැමෝම මට ආදරෙයි මෙ‍ වගේ තමා කොහෙ ගියත් මට සලකන්නේ....
මම මළගෙවල් වල යනවා ගොඩක් වෙලාවට. නිදි මරන්න ඕන නැහැනේ මට..ගෙදරත් රෑට යතුරවත් දාලා නෙවෙයි නිදා ගන්නේ මම නිසා

branch - ඉතින් ගෙදර අයට කරදර නැද්ද sir ඇහැරගෙන ඉන්නකොට...


pricipal - හී හී wife නම් වෙලාවකට කෑ ගහනවා ...දුවත් බැඳලා අපි එක්කමයි ඉන්නේ....

මම හිටියේ මගේ වැඩ කරන ගමන්  පැත්තකට වෙලා වෙන දේ බලාගෙන ඉතින් මටත් ඉන්න බැරි වුනා කට වහගෙන


මම -   sir , ඉතින් ආපහු doctors ලා sir  ව check කරලා බැලුවෙ නැද්ද?
මට නම් හිතෙන්නේ operation එකේදි තමා මොනවා හරි වෙන්න ඇත්තේ.... නැත්නම් accident එකේදි sir ට ඇතිවුනු shock එකක් වෙන්න පුළුවන් නේද ඔහොම නින්ද නොයන්නේ

principal - ආහ් එහෙම එකක් නැහැ  ...මම ඔව්වා ගන්න ගන්නැහැ. නිදා ගන්න ඕන වෙන්නෙත් නැහැනේ..මට වෙලාවකට නින්ද යනවා..ඒත් ඇස් ඇරිලා තියෙන්නේ මගේ..


මම - ඒක හරි ඒත් sir ඇස් ඇරගෙන නිදා ගත්තට අවුරුදු 15 ක්ම නිදා නොගත්ත කිව්වට  sir නිදාගෙන ඉදලා තියෙන්නේ ...

principal යි branch  එකේ set එකයි මම දිහා බැල්වා මම ඇයි එහෙම කියන්නේ කියලා


මම - ඇයි නැත්නම් මේ අවරුදු 13 කින් විදුහල්පති උසස්වීම් දෙන්න යන කථාව හැම  media එකකම හැම news paper  එකකම පල වෙලා තිබ්බා...ඉතින් අවදියෙන් හිටියා කිව්වාට  sir නිදා ගෙනනේ ඉදලා තියෙන්නේ


principal මම දිහා ඇස් ලොකු කරලා බලලා ආයෙත් පම්පෝරි ගගහ application  fill කරන්න ගත්තා...


principal- මගෙ මෙහෙම ඇස් රතුවෙලා තිබ්බට මට ලේසියෙන් කේන්ති යන්නැහැ. මගේ දරුවෙකුටවත් පාසලේ ළමයෙකුටවත් මම අතින් පාරක් ගහලා නැහැ ....


මම -   ඒ වුනාට sir අපි අහලා තියෙන කරුණාවන්තම කෙනානේ බුදු හාමුදුරුවෝ ...ඒත් බුදු හාමුදුරුවන්ටත් පැය 2 ක් 3 ක් හරි නින්ද අව්‍යශ වුණානේ...ඒ නිසා ඕක ආඩම්බර වෙවී බලා ඉන්න දෙයක් නෙවෙයි...sir කෝකටත් මනෝ වෛද්‍යවරයෙක් ගාවට හරි ගිහින් treatments  ගන්න බලන්න...ඕක භයානක sir මොනවා හරි වුණත් sir ට අනෙත් අය නොදැනුවත්වම හිටි අඩියේ වෙන්න පුළුවන් ඒකයි....


principal - ඒ වුණාට මිස් ට තරම්වත් මට කේන්ති යන්නැහැනේ...මේ බලන්න මම ඉන්නේ සතුටින්


මම -          ඒක හරි වෙන්න පුළුවන් ඒත් ඇත්තටම මට නම් නින්ද නොයන්නේ මම මොකක් හරි අසහනකාරී තත්වයක ඉන්නවනම් තමා sir ඉතින් මම කියන්නේ sir ට ලෙඩක් නෙවෙයි එහෙම මානසික තත්වයක් ඇත්තේ...


principal - හ් ! මම එහෙම නම් ඉස්කෝලයක් කරන්නේ කොහොමද අසහන තියාගන 


එහෙම කියලා අපි‍ට application  එක දීලා පත්තර ටිකත් රෝල් කරගෙන එතුමා යන්න හැදුවා . 

branch - sir මේ application එකට කලාප අධ්‍යාපන අධ්‍යක්ෂකගෙනුයි පළාත් අධ්‍යාපන අධ්‍යක්ෂකගෙනුයි recommendation අරගෙන fill කරලා ගෙනත් දෙන්න.මේක ඒවා නැතිව ගන්න බැහැනේ.


sir ගියා හේමා madam හම්බවෙලා ඒක වෙනස් කරගන්න..ඒත් ඒවා නැතිව භාර ගන්න බැහැ කියලා කියලා වෙන්නැති ආයේ යනවා දැක්කා එළියට.


ඔන්න එදා අපේ branch එකේ වජිරා අක්කාගේ දුවගේ parents meeting කියලා වජිරා අක්කා විශාඛා එකට ගියා lunch time එකේ.


එයා 2.30 වෙනකොට ආවා ආපහු..යනකොට bus  එකේ ගිහින් තියෙන්නේ ..අර  principal ඒකේ ඉදලා. වජිරා අක්කාත් එක්ක හිනා වුණාලු.... bus පිටිපස්සේ ඉදලා තියෙන්නේ ..වජිරා අක්කා නැගලා තියෙන්නේ ඉස්සරහින්... branch එකට ආපු principal කෙනෙක් නිසා වජිරා අක්කා හිනා වුණු පාර ඒ principal කඩාගෙන ඉස්සරහට ආවලු...

වජිරා අක්කා- කොහොම හරි  සුජානි ට විතරයි ඒ මිනිහාගේ ඇත්ත තත්වය තේරුණේ..ඒ මිනිහා අසහනෙන් තමා...


branch - මොකෝ අනේ වුනේ ඉතින්...


වජිරා අක්කා - ඒ මිනිහා ඇවිත් මගේ ඇගේ ඇතිල්ලෙන්න ගත්තනේ...ඒ මිනිහාට නින්ද යන්නේ නැති අසහනේ ඕක වෙන්නැති..මම ඒ මිනිහටත් හොදවැයින් දෙකක් කියලා  bus conductor ටත් කථාව කියලයි බැස්සේ මම...




පසු ලිපි-  මේක විදුහල්පතිවරුන්ට අපහාස කරන කථාවක් නම් නෙමෙයි....ඒත් හිතන්න දෙයක්!!!!!

Wednesday, March 2, 2011

ප්‍රභාව..

සහස් නයනින් රැය සපිරි මුත්..
වේය මුලු ලොව
සැනින් කලුවර
වැසී ගිය විට
දිවාකර සතු
ප්‍රභාවේ තිර එකම නයනය...

බුද්ධියට නෙත් සහස් ඇතිමුත්
වේය දිවි මග සැනින් කලුවර
වැසී ගිය විට...හදේ රදනා....

ප්‍රේමයේ මෘදු එකම නයනය..

Tuesday, March 1, 2011

නුඹයි දූවේ



නිසංසලේ ගුවන් ගැබේ
පායා එන සඳ මම නම්
ඒ සඳේ සිසිල් රැස්දහරේ
නැහැවෙන්නේ නුඹයි දූවේ

උදෑසනින් පිණීදහරේ
විකසිත වන මල මම නම්
ඒ මලේ සූවඳ පෙති අතරේ
නැලවෙන්නේ නුඹයි දූවේ

නිලට නිලේ රැල් නගනා
සමුදුර වන්නේ මම නම්
එහි මූතූ බෙලිකටුවක සඟවා
රැකගන්නේ නූඹයි දුවේ

ජීවිතයේ ගමන්මඟේ
කෙලෙස ගෙවී ගියත් මගේ
සිතට දැනෙන වෙහෙස නිවන
සහන් සුවය නුඹයි දුවේ

අම්මා

සැබෑ පිළිබිඹුව
දැක දැක
මා
හැර නොයන
කැඩපත